గమ్యం హైకు

(చిత్రాన్ని ఇక్కడ నుంచి సేకరించాను)


 రాలిన ఆకు గమ్యం
ఎవరకి ఎరుక?
వీచే గాలికా ??

ఎడారిగా మారిన నా జీవితాన మంచు వర్షమై కురిసింది నీ ప్రేమ

(చిత్రాన్ని ఇక్కడ నుంచి సేకరించాను)

కష్టాల మంట నా జీవితాన్ని దహించి
నన్ను ఎడారిగా మార్చిన వేళ
నీ ప్రేమ చల్లని అమృత వర్షమై కురిసి
నా మనసు దాహాన్ని తీర్చింది!

హరివిల్లు

తన మనసులో భావాల రంగులను
గుర్తించిన మరో మనసుకి....
ఈ మనసు ఓ హరివిల్లు!!

ప్రేమించబడని ప్రేమ...

(చిత్రాన్ని ఇక్కడ నుంచి సేకరించాను)

నా ప్రేమ తాళం చెవి....
నీ మనసు తలుపుని తెరవలేకపోతే.....
నా ప్రేమ రాగం.....
నీ మనసు లోతుని కదిలించకపోతే....

మన మనసులో ఉన్న భావాలు ఎన్నటికి కలవవు
నా గుడ్డి ప్రేమ నీకు కనపడదు...నా మూగ భాష నీకు వినపడదు...

ఆ  ప్రేమ....
ఒక్క చెయ్యి చప్పట్ల శబ్దం...
ఆ  ప్రేమ....
మూగ పాట నిశ్శబ్దం...

English version: here

చిత్రం

నా కళ్ళలో నిన్ను రంగులుగా నింపుకుని, నా మనసులో నీ చిత్రం గీసాను!

కన్నీటి వర్షం

మనసులో బాధ కలతతో ఉరిమితే...
కళ్ళలో కన్నీటి వర్షం కురిసెనే!!

మరచిపోకు!

(చిత్రాన్ని ఇక్కడ నుంచి సేకరించాను)

నా మనసుని నీ ప్రేమతో ఆక్రమించుకున్నావు, మంచిదే!!
కాని...అదే ప్రేమతో పరిపాలించడం మరచిపోకు!!

కన్నీటి ముత్యాలు

హృదయంలో ఘనీభవించిన గత వేదన
జ్ఞాపకాల చిరుగాలి తాకి,
కళ్ళలో కన్నీటి ముత్యాలుగా కరిగెనా?!

దగ్గర....దూరం

(చిత్రాన్ని ఇక్కడ నుంచి సేకరించాను)

నీకు దగ్గరై దూరం ఐయ్యెకంటే...దూరమై దగ్గర కావాలనుకున్నాను...

స్వేచ్ఛ వచ్చింది ...కాని, ఎం లాభం ?

(చిత్రాన్ని ఇక్కడ నుంచి సేకరించాను)

ఎగరాలని ప్రయత్నిస్తున్న రంగుల చిట్టి చిలకని
బంగారు పంజరంలో నిర్భందించావు
దాని ఆకలి తీర్చావు, దాహం తీర్చావు
కాని, అది కొరుకుంటున్న స్వేచ్ఛను మాత్రం ఇవ్వలేదు
పాపం చిట్టి చిలక...అది ఉన్న పరిధిలోనే ఎగురుతూ...
తనకు స్వేచ్ఛ వచ్చేది ఎప్పుడా అని తెగ ఆరాటపడేది

కొన్నాళ్ళు గడిచింది...

చిట్టి చిలక అందం క్షీణించింది
రంగులతో నిండిన చిలుక, రంగులు లేకుండా పోయింది
ఇప్పుడు, ఆ చిలక నీకు భారం అయిపోయింది...
చివరికి...దాన్ని వదిలేసావ్...

కాని ఎం లాభం??...

ఇప్పుడు అది రెక్కలున్నా ఎగరలేదు

కోరుకున్న స్వేచ్ఛ దరిచేరినా ....అనుభవించలేదు!!

ఏమి రాయాలో తోచడం లేదు ఈ మధ్య......ఈ ఒక్క లైనే తట్టింది!

ఇష్టమైన కష్టం....కష్టమైనా....నాకు ఎంతో ఇష్టం..

మాటలకు అందని భాష మౌనం ఒక్కటే!

(చిత్రాన్ని ఇక్కడ నుంచి సేకరించాను)
 
నా ఈ మూగ మనసు మాట్లాడే భాష ఎవరికి తెలుసు?

నిన్ను నువ్వు ప్రేమించడం నేర్చుకో...

ఇంతకు ముందు నిన్ను ప్రేమించేవారు
ఇప్పుడు లేదు!, అన్న చేదు నిజం మరచిపో...
నీతో నువ్వు ఎప్పుడు ఉంటావు
నిన్ను నువ్వు ప్రేమించడం నేర్చుకో...

ప్రేమించమని వెంటపడకు....
బలవంతంగా పుట్టే ప్రేమ, కలకాలం నిలువదు తెలుసుకో...
నీతో నువ్వు ఎప్పుడు ఉంటావు
నిన్ను నువ్వు ప్రేమించడం నేర్చుకో...

కాలం మారుతుంది, కాలం అనుగుణంగా మనుషులు మారుతారు...
ఏది శాశ్వతం కాదు! ఇది జీవిత సత్యం తెలుసుకో...
నీతో నువ్వు ఎప్పుడు ఉంటావు
నిన్ను నువ్వు ప్రేమించడం నేర్చుకో...

జీవిత సత్యం

"కనిపించేవన్నీ నిజాలు కావు ,కనిపించనివన్నీ అబద్ధాలు కావు....
కొన్ని నిజాలు కాలం అనే తెర వెనుక దాగి ఉంటాయి 
కాలం కరిగినపుడు, కనిపించని ఆ నిజాలు బయటకి వస్తాయి!!"

కవిత ♥

ఊహలకు అక్షరాలతో ఉపిరి పోస్తే......కవిత...
కలానికి మాటలని నేర్పిస్తే.......కవిత...
కాగితంపై పదాలతో చిత్రం గీస్తే........కవిత...
సృజనాత్మకతతో భావానికి రూపం ఇస్తే......కవిత...

నీ చిత్రానికి నా భావం

(చిత్రాన్ని ఇక్కడ నుంచి సేకరించాను)

తెల్ల పువ్వు:
అందరిలో విశేషంగా కనిపిస్తున్నానని ఆనందపడనా?
లేక, ఒంటరిగా మిగిలానని బాధపడనా?

సహజత్వం

(చిత్రాన్ని ఇక్కడ నుంచి సేకరించాను)

రెక్కలను గాయపరుస్తూ, బలవంతంగా మొగ్గని పువ్వు చేస్తీ...
ఉండునా ఆ పువ్వుకి సహజమైన అందం ?
"నన్ను ప్రేమించు!!" అని నేను అర్ధిస్తే, జాలితో నువ్వు నన్ను ప్రేమిస్తే
నిలుచునా కలకాలం అలా ఏర్పడిన మన ప్రేమ బంధం ?