17 October 2011

నన్ను నేను తిరిగి పొందేది ఎలా??!!

7 వ్యాఖ్యలు ♥ ツ

(చిత్రాన్ని ఇక్కడ నుంచి సేకరించాను)

నీ ప్రేమతో నా మనసుని ఆక్రమించుకున్నావు
నిన్న 'నేను' అనే నా చిన్న ప్రపంచం,
నీ రాకతో నేడు, 'నువ్వు'గా మారిపోయింది
కాని, ఈ సంతోషం కలకాలం నిలువలేదు
నీ ప్రేమ అబద్ధం అని తెలుసుకున్నాను
ఇప్పుడు, 'నువ్వు' అనే మాయా ప్రపంచం కాలంతో కరిగిపోయింది
చివరికి, నా ప్రపంచం నిర్మానుష్యమైన ఎడారిగా మారిపోయింది
తిరిగి 'నేను' అనే నా అందమైన ప్రపంచానికి నేను చేరువయ్యేదేలా??!!! :'(

02 October 2011

నా ఆవేదన!!

8 వ్యాఖ్యలు ♥ ツ

(చిత్రాన్ని ఇక్కడ నుంచి సేకరించాను) Edited by: Sanchari
 
అందమైన కలలు కనమని
కళ్ళకు ఎందుకు చెప్పావు...
కన్నీరుగా కరిగించడానికా ?

ఆశల వలలు విసరమని
గుండెకు ఎందుకు చెప్పావు...
అడియాసలను బంధించడానికా?

చిరునవ్వుతో చెలిమి చేయమని
పెదవులకు ఎందుకు చెప్పావు...
ఆది ఒంటరి చేసినపుడు, వెల వెలబోతు ముడుచుకొడానికా?

లోతుగా ప్రేమించమని
హృదయానికి ఎందుకు చెప్పావు...
తరువాత తనని తానూ బాధతో చీల్చుకోడానికా ?

భగవంతుడా!! అసలు మనిషికి మనసుని ఎందుకు ఇచ్చావు?
మనసుని బొమ్మగా చేసి,
మనిషిని ఆడించడానికా?

నా గురించి ♥ ツ

ఒక్క మాటలో చెప్పాలంటే, పగటి పూట చుక్కలు వెతికే అమ్మాయిని...
తెలుగులో నా భావాలు వ్రాయడం ఈ మధ్యే మొదలుపెట్టాను :)
మీరు నా టపాలు చదివి, మీ అభిప్రాయాలు, సూచనలు తెలుపగలరు
వ్యాకరణంలో తప్పులు ఉంటే మన్నించండి